В лето 6976 (1468) Татари Казанстии поидоша изгоном к Галичу и мало нечто полоном взяша. Тое же  осени послал князь великий Иван черемисы воевать князя Семена Романовича, а с ним многих детей боярскых, двор свой; и совокупившиеся вси поидоша из Галича декабря в  6, и поидоша лесы без пути, а зима была велми студена. Тое же зимы, генваря в 6, рать великого  князя прииде в землю Черемисскую, и много зла учиниша земли той, люди изсекоша, а иных в полон поведоша, а иных изожгоша, а кони их и всякую животину, понелзе с собой имати, то все изсекоша, а что было живота их, то все взяша; и повоевавша всю землю ту, достоль пожгоша, а за один день до Казань не доходили, и возвратившиеся приидошак великому князю вси поздорову.

Летописи новгородские 1-4 // ТВУАК - 1905 г. выпуск  1-2

В лето 7050 (1542) ходила рать Казанская Тотарская  через Вятку на Устюг 40 тысяч и повоевали много, все городы около Устюга и волости и много зла сотвориша, и в полон поведоша.  И пошла та сила с Устюга  Моломою рекою на плотех.  И Божиею  милостью собрались все Вятцкие городы под Котельнич град, и побиша  на Моломе силу Тотарскую на голову, толко ушли  лесом черемиса луговая  на Пижму реку.

ТВУАК выпуск 2 – Вятка 1905 г., с.40